ഓണനാളില്
പൂവിളിച്ചോതുന്നു പൊന്നോമനകള്
പൊന്നോണ നാളിനെ വരവേല്ക്കാനായ്
മുറ്റത്ത് നല്ലൊരു പൂക്കളത്തിന്നായ്
പൂക്കളിരുക്കുവാന് പോകയാണ്
നാടിന് വഴികളില് ഒട്ടേറെ പോയിട്ടും
കണ്ടില്ല പൂവുകള് പൈതങ്ങള്
വേദനിക്കുന്ന മനസ്സുമായ് കുഞ്ഞുങ്ങള്
വീട്ടിലെക്കൊന്നായ് തിരിച്ചുവന്നു
ചാരുകസേരയില് അച്ചച്ചനെ കണ്ടു
പരിഭവം ചൊല്ലുന്നു പൈതങ്ങള്
പൂവില്ലാ വട്ടികള് ചുറ്റിപ്പിടിച്ചിട്ടു
സങ്കടം പറയുന്നു കുഞ്ഞുങ്ങള്
ഓര്മയില് തിങ്ങുന്ന ഓണക്കഥകളും
ഓണപ്പാട്ടിന്റെ ഈരടി ചൊല്ലിയും
മക്കളെ ഒന്നിച്ചു കെട്ടിപ്പിടിച്ചിട്ടു
സാന്ത്വന വാക്കുകള് ചൊല്ലിടുന്നു
വയലും വരികളും പൂക്കളുമായുള്ള
നാടിന് കഥകള് കേട്ടിടുമ്പോള്
അച്ഛന് വരുന്നുണ്ട് കവറില് പൊതിഞ്ഞുള്ള
ചെണ്ടുമല്ലി പൂക്കളുമായ്
കുട്ടികള് വട്ടികള് താഴേക്ക് വെച്ച്
മുറ്റത്തിറങ്ങുന്നു പൂക്കളം തീര്ക്കുവാന്
ചാരുകസേരയില് ചരിക്കിടന്നിട്ടു
മുങ്ങുന്നതോര്മയില് അച്ചച്ചനങ്ങിനെ
No comments:
Post a Comment