ഒരു കുറെ നേരമായ്
മാവിന് ചില്ലയില് ചാടിക്കയറി
അണ്ണാന് ചിലക്കാന് തുടങ്ങിയിട്ട്.
എന്താണെന്നറിയാന്
കോലായിലെ
ചാരുവടി പിടിപ്പിച്ച തിണ്ണയില്
ഞാനുമതിനെ നോക്കി നിന്നു.
ഇണയെ വിളിക്കയാണോ
അതല്ല
എന്തെങ്കിലും
കണ്ടു ഭയന്നിട്ടാണോ ?
കണ്ണും കഴുത്തും കഴച്ചു എനിക്ക്;
എന്നിട്ടും അതിന്റെ
ശബ്ദം കനത്തു വന്ന്
കാതില് അടിച്ചു കൊണ്ടിരുന്നു.
ചോളനുറുമ്പ് വന്ന് ഉപദ്രവിച്ചപ്പോള്
അതിന്റെ ശബ്ദം നിലച്ചു.
ചില്ലകളിലൂടെ
അത് അതിന്റെ വഴിക്ക് പോയി.
എന്റെ ചിലപ്പു പോലെ
എന്റെ പിരിച്ചുവിടല് പോലെ
എന്റെ യാത്ര പോലെ
എന്റെ തൊടിയിലെ
എന്റെ അണ്ണാറക്കണ്ണനും...............
No comments:
Post a Comment